og leyfum gleðinni að taka völdin
Fögnum
Gerum daginn skemmtilegan og leikum, dönsum, syngjum og föndrum og höldum gleðinni gangandi. Við komum til með að vera með rafræna skemmtun fyrir fólk á öllum aldri til þess að halda daginn hátíðlegan.
Hverjir standa fyrir viðburðinum?
Við erum fimm nemar við Menntavísindasvið Háskóla Íslands. Allar erum við í list-og verkgreinum og vildum leggja okkar af mörkum við Barnamenningarhátíð Reykjavíkur 2021. Þú getur lesið meira um okkur hér fyrir neðan.
Kristín Ísabella Karlsdóttir
Leiklistarkennara-nemi
Hjá mér getur þú fundið hið fullkomna danspartý fyrir þig og þína. Við dönsum saman og hristum líkama og sál. Einnig er að finna fjölda leikja sem hægt er að prófa inni sem og úti
Ólöf Hannesdóttir
Myndmenntarkennari og nemi
Finnst þér gaman að teikna og búa til eitthvað fallegt og skemmtilegt? Hjá mér getur þú fræðst um farfugla og búið til fugla sjálf/ur úr hinu og þessu sem þú finnur heima hjá þér.
Do you enjoy drawing and making something nice and fun? I can tell you a few things about migratory birds in Iceland and you can also use all kinds of things you find in your home to make birds.
Íris Olga Lúðvíksdóttir
Kennari og nemi
Hvaðan kemur þessi Sumardagur fyrsti? Af hverju höldum við á Íslandi upp á hann í apríl? Hér er smá fróðleikur um þennan sérstaka dag.
Hjördís Rós Egilsdóttir
Tónmenntakennari og nemi
Hjördis elskar að heyra ykkur syngja og langar að fá eins margar raddir og hún getur og búa til fjarfjöldasöng.
Berglind Kjartansdóttir
Smíðakennari og nemi
Finnst ykkur gaman að smíða? Berglind mun kenna ykkur að smíða einföld leikföng og skraut. Tilvalið fyrir alla fjölskyldumeðlimi að hjálpast að, hafa gaman og skapa saman.
Do you like to build? Berglind will teach you how to make simple toys and decoration. Ideal for all family members to enjoy, have fun and create together
Nemendur við Háskóla Íslands
Taka þátt í Barnamenningarhátíð Reykjavíkur
Barnamenningarhátið 2021 fer fram dagana 20. - 25. apríl næstkomandi.
Markmið Barnamenningarhátíðar er að efla menningarstarf fyrir börn og ungmenni í borginni. Barnamenningarhátíð er vettvangur þar sem þátttaka barna og ungmenna er lykilatriði og lögð er áhersla á menningu barna, með börnum og fyrir börn. Leiðarljós hátíðarinnar eru gæði, margbreytileiki, jafnræði og gott aðgengi. Vettvangur hátíðarinnar er borgin öll og fara fjölbreyttir viðburðir fram í skólum, frístundamiðstöðvum, lista- og menningarstofnunum borgarinnar. Aðgengi að öllum viðburðum skal vera ókeypis. Barnamenningarhátíð tekur mið af markmiðum menningarstefnu Reykjavíkurborgar en þar segir að menning og listir eru snar þáttur í uppeldi og kennslu barna og ungmenna í borginni. Börn og fjölskyldur þeirra eru virkir þátttakendur í menningarlífinu og framlag barna til menningar skal metið að verðleikum.